Les mots surlignés font l'objet d'une note
1Reçue à Grenoble, le 18 janvier 1573. Répondue le 18 janvier 1573.
2Monseigneur, despuys quelque temps en ça jay congneu que
3certains particuliers de ceste ville soubz preteste du commun se
4sont efforcés de me surprendre et après faict quelques
5assemblées où ont machiné la poursuyte de certain gouvernement
6pollitique, se servant en cella dung lequel encores que cest
7bien advisé si me doubte, je assure quen fin ilz feront mesme
8assault contre luy que contre moy et aultres par le passé,
9chose que je neusse jamais attendu deux. Attendu mesmes
10que leur fin ne tend au service du roy et asseurance du repos
11publicque, mais à leurs proffictz particuliers, comme vous
12feray entendre plus par le menu quand, avec votre permission,
13seray pardevant vous. Jay entendu quilz se sont acheminés
14pour tascher de mectre à effaict leurs desliberations.
15Par lobligation et debvoir de ma charge, me suys pensé
16vous faire entendre ce dessus affin que votre prudence
17puysse mieulx pourvoir leur fin et mayant entendu ;
18dequoy vous supplie très humblement plus seurement ordonner
19sur ce faict pour le service de sa magesté, bien et repos
20publicques. Mon homme nest encores venu, par lequel
21attendoys recepvoir votre permission vous aller faire la
22reverance, mais les susdites occasions survenues mont faict
23atter la presante. Sperant de brief estre en votre presence
24et vous reciter lestat de toutes choses de par deça, que
25sont de grand importance, ne la feray plus longue, ains
26prieray Dieu vous donner très heureuse et très longue vye.
27De Dye, ce XVIe janvier 1573.
28Votre très humble et hobeissant
29serviteur
30Montlehuc